ქუთაისელები ქუთაისქალაქობას და ორმაისობას აღნიშნავენ. ამ თარიღს ერთი საუკუნის ისტორია აქვს - ყველაფერი იმ ქალებით დაიწყო, რომლებიც კალათით გვირილებს ყიდდენ. მიღებული ფულით ისინი უპატრონო ბავშვებს ეხმარებოდნენ.

ახმეტის რაიონში ადიდებულმა მდინარემ ხორბალოსა და ბახტრიონის დამაკავშირებელი ხიდი წაიღო. ის ამ სოფლებს რაიონულ ცენტრთანაც აკავშირებდა.

საგარეო საქმეთა სამინისტროში გამართული ტრადიციული ბრიფინგის მთავარი თემა მსოფლიოს ნომერ პირველი ტერორისტის ბინ ლადენის ლიკვიდაცია იყო.

კონსტიტუციური უსაფრთხოების დეპარტამენტმა რამდენიმე ფეხბურთელი დააკავა. ისინი ტოტალიზატორების შავი ბიზნესის წარმომადგენლებთან კავშირში არიან ბრალდებული.

ტელეკომპანია `მაესტროს` კიდევ ერთი ახალი მფლობელი ჰყავს. საჯარო რეესტრის ინფორმაციით, დიზაინერმა მაკა ასათიანმა გია გაჩეჩილაძისგან ტელეკომპანიის აქციების 25 პროცენტი გამოისყიდა. თავად ტელეკომპანიაში ჯერჯერობით გარიგების დეტალებს არ ახმაურებენ.

შეერთებული შტატების სახელმწიფო დეპარტამენტი საკუთარ მოქალაქეებს ბილ ლადენის მოკვლის შემდეგ მოსალოდნელი საფრთხის შესახებ აფრთხილებს.

53 წლის ასაკში გარდაიცვალა მარშალის ფონდის ბრიუსელის ოფისის ხელმძღვანელი და საქართველოს აქტიური მხარდამჭერი რონალდ ასმუსი.

საქართველოს განათლებისა და მეცნიერების მინისტრმა დიმიტრი შაშკინმა მანდატურის სამსახურის მუშაობის ერთი წელი შეაჯამა.

სოციალური მომსახურების სააგენტოს ახალი ხელმძღვანელი ჰყავს – ირაკლი ნადარეიშვილი ჯანდაცვის მინისტრმა წარადგინა.

`ვინც თავისი გუნდის თამაშებს და მატჩებს ყიდის, ის სამშობლოსაც ადვილად გაყიდის,`- ასეთი კომენტარი გააკეთა სსფ-ს პრეზიდენტმა ზვიად სიჭინავამ ფეხბურთელების დაკავებასთან დაკავშირებით.